यदि तॆ हरिपादसरॊजसुधा
रसपानपरं ह्ड़्दयं सततम्
परिह्ड़्त्य ग्ढ़ं कलिभावमयं
भज गॊद्रुमकाननकुञ्जविधुम् १
yadi te haripādasarojasudhā-
rasapānaparaṁ hṛdayaṁ satatam
parihṛtya gṛhaṁ kalibhāvamayaṁ
bhaja godruma-kānana-kuñjavidhum 1
धनयौवनजीवनराजयसुखं
न हि नित्यमनुक्षणनाशपरम्
त्यज ग्राम्यकथा सकलं विफलं
भज गॊद्रुमकाननकुञ्जविधुम् २
dhana-yauvana-jīvana-rājayasukhaṁ
na hi nityamanukṣaṇa-nāśaparam
tyaja grāmyakathā sakalaṁ viphalaṁ
bhaja godruma-kānana-kuñjavidhum 2
रमणीजनसङ्गसुखञ्च सखॆ
चरमॆ भयदं पुरुषार्थहरम्
हरिनामसुधारसमत्तमति
र्भज गॊद्रुमकाननकुञ्जविधुम् ३
ramaṇījana-saṅgasukhañca sakhe
carame bhayadaṁ puruṣārthaharam
harināma-sudhārasa-mattamati-
rbhaja godruma-kānana-kuñjavidhum 3
जḓअकाव्यरसॊ न हि काव्यरसः
कलिपावनगौररसॊ हि रसः
अलमन्यकथाद्यनुशीलनया
भज गॊद्रुमकाननकुञ्जविधुम् ४
jaḓakāvyaraso na hi kāvyarasaḥ
kalipāvana-gauraraso hi rasaḥ
alamanyakathādyanuśīlanayā
bhaja godruma-kānana-kuñjavidhum 4
व्ड़्षभानुसुतान्वितवामतनुं
यमुनातटनागरनन्दसुतम्
मुरलीकलगीतविनॊदपरं
भज गॊद्रुमकाननकुञ्जविधुम् ५
vṛṣabhānu-sutānvita-vāmatanuṁ
yamunātaṭa-nāgara-nandasutam
muralī-kalagīta-vinodaparaṁ
bhaja godruma-kānana-kuñjavidhum 5
हरिकीर्तनमध्यगतं स्वजनैः
परिवॆष्टितजाम्बुनदाभहरिम्
निजगौḓअजनैकक्ड़्पाजलधिं
भज गॊद्रुमकाननकुञ्जविधुम् ६
harikīrtana-madhyagataṁ svajanaiḥ
pariveṣṭita-jāmbunadābhaharim
nija-gauḓajanaika-kṛpājaladhiṁ
bhaja godruma-kānana-kuñjavidhum 6
गिरिराजसुतापरिवीतग्ढ़ं
नवखण्डपतिं यतिचित्तहरम्
सुरसङ्घनुतं प्रियया सहितं
भज गॊद्रुमकाननकुञ्जविधुम् ७
girirājasutā-parivīta-gṛhaṁ
navakhaṇḍapatiṁ yati-cittaharam
surasaṅghanutaṁ priyayā sahitaṁ
bhaja godruma-kānana-kuñjavidhum 7
कलिकुक्कुरमुद्गरभावधरं
हरिनाममहौषधदानपरम्
पतितार्तदयार्द्रसुमूर्तिधरं
भज गॊद्रुमकाननकुञ्जविधुम् ८
kalikukkura-mudgara-bhāvadharaṁ
harināma-mahauṣadha-dānaparam
patitārta-dayārdra-sumūrtidharaṁ
bhaja godruma-kānana-kuñjavidhum 8
रिपुबान्धवभॆदविहीनदया
यदभीक्ष्नमुदॆति मुखाब्जततौ
तमक्ड़्ष्णमिह व्रजराजसुतं
भज गॊद्रुमकाननकुञ्जविधुम् ९
ripubāndhava-bhedavihīna-dayā
yadabhīkṣnamudeti mukhābja-tatau
tamakṛṣṇamiha vrajarājasutaṁ
bhaja godruma-kānana-kuñjavidhum 9
इह चॊपनिषत्परिगीतविभु
र्द्विजराजसुतः पुरटाभहरिः
निजधामनि खॆलति बन्धुयुतॊ
भज गॊद्रुमकाननकुञ्जविधुम् १०
iha copaniṣat-parigītavibhu-
rdvijarājasutaḥ puraṭābha-hariḥ
nijadhāmani khelati bandhuyuto
bhaja godruma-kānana-kuñjavidhum 10
अवतारवरं परिपूर्णकलं
परतत्त्वमिहात्मविलासमयम्
व्रजधामरसाम्बुधिगुप्तरसं
भज गॊद्रुमकाननकुञ्जविधुम् ११
avatāravaraṁ paripūrṇakalaṁ
paratattvamihātma-vilāsamayam
vrajadhāma-rasāmbudhi-guptarasaṁ
bhaja godruma-kānana-kuñjavidhum 11
श्रुतिवर्णधनादि न यस्य क्ड़्पा
जननॆ बलवद् भजनॆन विना
तमहैतुकभावपथा हि सखॆ
भज गॊद्रुमकाननकुञ्जविधुम् १२
śruti-varṇa-dhanādi na yasya kṛpā-
janane balavad bhajanena vinā
tamahaituka-bhāvapathā hi sakhe
bhaja godruma-kānana-kuñjavidhum 12
अपि नक्रगतौ ह्रदमध्यगतं
कममॊचयदार्तजनं तमजम्
अविचिन्त्यबलं शिवकल्पतरुं
भज गॊद्रुमकाननकुञ्जविधुम् १३
api nakra-gatau hrada-madhya-gataṁ
kam-amocayadārta-janaṁ tam-ajam
avicintya-balaṁ śiva-kalpa-taruṁ
bhaja godruma-kānana-kuñjavidhum 13
सुरभीन्द्रतपःपरितुष्टमना
वरवर्णधरॊ हरिराविरभूत्
तमजस्रसुखं मुनिधैर्यहरं
भज गॊद्रुमकाननकुञ्जविधुम् १४
surabhīndra-tapaḥ-parituṣṭa-manā
vara-varṇa-dharo harir-āvirabhūt
tam-ajasra-sukhaṁ muni-dhairya-haraṁ
bhaja godruma-kānana-kuñjavidhum 14
अभिलाषचयं तदभॆदधियम्
अशुभञ्च शुभं त्यज सर्वमिदम्
अनुकूलतया प्रियसॆवनया
भज गॊद्रुमकाननकुञ्जविधुम् १५
abhilāṣa-cayaṁ tad-abheda-dhiyam
aśubhañca śubhaṁ tyaja sarvam-idam
anukūlatayā priya-sevanayā
bhaja godruma-kānana-kuñjavidhum 15
हरिसॆवकसॆवनधर्मपरॊ
हरिनामरसाम्ड़्तपानरतः
नतिदैन्यदयापरमानयुतॊ
भज गॊद्रुमकाननकुञ्जविधुम् १६
harisevakasevana-dharmaparo
harināma-rasāmṛta-pānarataḥ
nati-dainya-dayāpara-mānayuto
bhaja godruma-kānana-kuñjavidhum 16
वद यादव माधव क्ड़्ष्ण हरॆ
वद राम जनार्दन कॆशव हॆ
व्ड़्षभानुसुताप्रियनाथ सदा
भज गॊद्रुमकाननकुञ्जविधुम् १७
vada yādava mādhava kṛṣṇa hare
vada rāma janārdana keśava he
vṛṣabhānusutā-priyanātha sadā
bhaja godruma-kānana-kuñjavidhum 17
वद यामुनतीरवनाद्रिपतॆ
वद गॊकुलकाननपुञ्जरवॆ
वद रासरसायन गौरहरॆ
भज गॊद्रुमकाननकुञ्जविधुम् १८
vada yāmunatīra-vanādripate
vada gokulakānana-puñjarave
vada rāsarasāyana gaurahare
bhaja godruma-kānana-kuñjavidhum 18
चल गौरवनं नवखण्डमयं
पठ गौरहरॆश्चरितानि मुदा
लुठ गौरपदाङ्कितगाङ्गतटं
भज गॊद्रुमकाननकुञ्जविधुम् १९
cala gauravanaṁ navakhaṇḍamayaṁ
paṭha gaurahareścaritāni mudā
luṭha gaurapadāṅkita-gāṅgataṭaṁ
bhaja godruma-kānana-kuñjavidhum 19
स्मर गौरगदाधरकॆलिकलां
भव गौरगदाधरपक्षचरः
श्ड़्णु गौरगदाधरचारुकथां
भज गॊद्रुमकाननकुञ्जविधुम् २०
smara gaura-gadādhara-kelikalāṁ
bhava gaura-gadādhara-pakṣacaraḥ
śṛṇu gaura-gadādhara-cārukathāṁ
bhaja godruma-kānana-kuñjavidhum 20