सुजनार्बुदराधितपादयुगं
युगधर्मधुरन्धरपात्रवरम्
वरदाभयदायकपूज्यपदं
प्रणमामि सदा प्रभुपादपदम् १
sujanārbuda-rādhita-pādayugaṁ
yugadharma-dhurandhara-pātravaram
varadābhaya-dāyaka-pūjyapadaṁ
praṇamāmi sadā prabhupādapadam 1
भजनॊर्जितसज्जनसङ्घपतिं
पतिताधिककारुणिकैकगतिम्
गतिवञ्चितवञ्चकाचिन्त्यपदं
प्रणमामि सदा प्रभुपादपदम् २
bhajanorjita-sajjana-saṅghapatiṁ
patitādhika-kāruṇikaikagatim
gativañcita-vañcakācintyapadaṁ
praṇamāmi sadā prabhupādapadam 2
अतिकॊमलकाञ्चनदीर्घतनुं
तनुनिन्दितहॆमम्ड़्णालमदम्
मदनार्बुदवन्दितचन्द्रपदं
प्रणमामि सदा प्रभुपादपदम् ३
atikomala-kāñcana-dīrghatanuṁ
tanunindita-hema-mṛṇālamadam
madanārbuda-vandita-candrapadaṁ
praṇamāmi sadā prabhupādapadam 3
निजसॆवकतारकरञ्जिविधुं
विधुताहितहुङ्क्ड़्तसिंहवरम्
वरणागतबालिशशन्दपदं
प्रणमामि सदा प्रभुपादपदम् ४
nijasevaka-tāraka-rañjividhuṁ
vidhutāhita-huṅkṛta-siṁhavaram-
varaṇāgata-bāliśa-śandapadaṁ
praṇamāmi sadā prabhupādapadam 4
विपुलीक्ड़्तवैभवगौरभुवं
भुवनॆषु विकीर्तितगौरदयम्
दयनीयगणार्पितगौरपदं
प्रणमामि सदा प्रभुपादपदम् ५
vipulīkṛta-vaibhava-gaurabhuvaṁ
bhuvaneṣu vikīrtita-gauradayam
dayanīyagaṇārpita-gaurapadaṁ
praṇamāmi sadā prabhupādapadam 5
चिरगौरजनाश्रयविश्वगुरुं
गुरुगौरकिशॊरकदास्यपरम्
परमाद्ड़्तभक्तिविनॊदपदं
प्रणमामि सदा प्रभुपादपदम् ६
ciragaura-janāśraya-viśvaguruṁ
guru-gaurakiśoraka-dāsyaparam
paramādṛta-bhaktivinodapadaṁ
praṇamāmi sadā prabhupādapadam 6
रघुरूपसनातनकीर्तिधरं
धरणीतलकीर्तितजीवकविम्
कविराजनरॊत्तमसख्यपदं
प्रणमामि सदा प्रभुपादपदम् ७
raghu-rūpa-sanātana-kīrtidharaṁ
dharaṇītala-kīrtita-jīvakavim
kavirāja-narottama-sakhyapadaṁ
praṇamāmi sadā prabhupādapadam 7
क्ड़्पयाहरिकीर्तन मूर्तिधरं
धरणीभरहारकगौरजनम्
जनकाधिकवत्सल स्निग्धपदं
प्रणमामि सदा प्रभुपादपदम् ८
kṛpayā-harikīrtana- mūrti-dharaṁ
dharaṇī-bharahāraka-gaurajanam
janakādhika-vatsala- snigdhapadaṁ
praṇamāmi sadā prabhupādapadam 8
शरणागतकिङ्करकल्पतरुं
तरुधिक्क्ड़्तधीरवदान्यवरम्
वरदॆन्द्रगणार्च्चितदिव्यपदं
प्रणमामि सदा प्रभुपादपदम् ९
śaraṇāgata-kiṅkara-kalpataruṁ
tarudhikkṛta-dhīra-vadānyavaram
varadendra-gaṇārccita-divyapadaṁ
praṇamāmi sadā prabhupādapadam 9
परहंसवरं परमार्थपतिं
पतितॊद्धरणॆ क्ड़्तवॆशयतिम्
यतिराजगणैः परिसॆव्यपदं
प्रणमामि सदा प्रभुपादपदम् १०
parahaṁsavaraṁ paramārthapatiṁ
patitoddharaṇe kṛta-veśayatim
yatirājagaṇaiḥ parisevyapadaṁ
praṇamāmi sadā prabhupādapadam 10
व्ड़्षभानुसुतादयितानुचरं
चरणाश्रितरॆणुधरस्तमहम्
महदद्भुतपावनशक्तिपदं
प्रणमामि सदा प्रभुपादपदम् ११
vṛṣabhānusutā-dayitānucaraṁ
caraṇāśrita-reṇudharastamaham
mahadadbhuta-pāvana-śaktipadaṁ
praṇamāmi sadā prabhupādapadam 11