रतिसुखसारॆ गतमभिसारॆ
मदनमनॊहरवॆषम्
न कुरु नितम्बिनि! गमनविलम्बनम्
अनुसर तं ह्ड़्दयॆशम् १
rati-sukha-sāre gatamabhisāre
madana-manoharaveṣam
na kuru nitambini! gamana-vilambanam
anusara taṁ hṛdayeśam 1
धीर समीरॆ यमुना तीरॆ
वसति वनॆ वनमाली
पीनपयॊधरपरिसरमर्दन
चञ्चलकरयुगशाली ध्रु
dhīra samīre yamunā tīre
vasati vane vanamālī
pīnapayodharaparisaramardana-
cañcalakarayugaśālī dhru
नामसमॆतं क्ड़्तसङ्कॆतं
वादयतॆ म्ड़्दुवॆणुम्
बहु मनुतॆऽअनु तॆ तनुसङ्गत
पवनचलितमपि रॆणुम् २
nāma-sametaṁ kṛta-saṅketaṁ
vādayate mṛduveṇum
bahu manute’anu te tanu-saṅgata-
pavana-calitamapi reṇum 2
पतति पतत्रॆ विचलति पत्रॆ
शङ्कितभवदुपयानम्
रचयति शयनं सचकितनयनं
पश्यति तव पन्थानम् ३
patati patatre vicalati patre
śaṅkita-bhavadupayānam
racayati śayanaṁ sacakita-nayanaṁ
paśyati tava panthānam 3
मुखरमधीरं त्यज मञ्जीरं
रिपुमिव कॆलिषु लॊलम्
चल सखि! कुञ्जं सतिमिरपुञ्जं
शीलय नीलनिचॊलम् ४
mukharamadhīraṁ tyaja mañjīraṁ
ripumiva keliṣu lolam
cala sakhi! kuñjaṁ satimira-puñjaṁ
śīlaya nīla-nicolam 4
उरसि मुरारॆरुपहितहारॆ
घन इव तरलबलाकॆ
तडिदिव पीतॆ! रतिविपरीतॆ
राजसि सुक्ड़्तविपाकॆ ५
urasi murārerupahita-hāre
ghana iva tarala-balāke
taḍidiva pīte! rati-viparīte
rājasi sukṛta-vipāke 5
विगलितवसनं परिह्ड़्तरसनं
घटय जघनमपिधानम्
किसलयशयनॆ पङ्कजनयनॆ
निधिमिव हर्षनिधानम् ६
vigalita-vasanaṁ parihṛta-rasanaṁ
ghaṭaya jaghanamapidhānam
kisalaya-śayane paṅkaja-nayane
nidhimiva harṣa-nidhānam 6
हरिरभिमानी रजनिरिदानीम्
इयम् अपि याति विरामम्
कुरु मम वचनं सत्वररचनं
पूरय मधुरिपुकामम् ७
harirabhimānī rajaniridānīm
iyam api yāti virāmam
kuru mama vacanaṁ satvara-racanaṁ
pūraya madhuripukāmam 7
श्रीजयदॆवॆ क्ड़्तहरिसॆवॆ
भणति परमरमणीयम्
प्रमुदितह्ड़्दयं हरिमतिसदयं
नमत सुक्ड़्तकमनीयम् ८
śrījayadeve kṛta-hari-seve
bhaṇati paramaramaṇīyam
pramudita-hṛdayaṁ harimati-sadayaṁ
namata sukṛta-kamanīyam 8